Հունվարի 13-ին հայտնի կդառնան «Ոսկե գլոբուս» կինոփառատոնի մրցանակակիրների անունները, հայտնում է korrespondent.net-ը:
«Տարվա լավագույն դրամատիկ ֆիլմ» անվանակարգում առաջադրված են Քվենտին Տարանտինոյի «Ազատագրված Ջանգո», Սթիվեն Սփիլբերգի «Լինքոլն», Բեն Աֆլեկի «Արգո «օպերացիա», Քեթրին Բիգելոուի «Համար առաջին նպատակ» և Էնգ Լիի «Պիի կյանքը» ֆիլմերը:
«Լավագույն դրամատիկ դերասանուհի» անվանակարգում առաջադրված են Ջեսիկա Չեսթեյնը, Մարիոն Կոտիյարը, Հելեն Միրենը, Ռեյչել Վայսը և Նաոնի Ուոթսը:
«Տղամարդու լավագույն դերերը», ըստ «Ոսկե գլոբուսի», խաղացել են Ռիչարդ Գիրը, Դենզել Վաշինգտոնը, Դենիել Դեյ-Լյուիսը, Խոակին Ֆենիքսը և Ջոն Հոուքսը:
«Լավագույն արտասահմանյան ֆիլմ» անվանակարգում հաղթողի հավակնորդներն են՝ «Սեր» (Amour, Գերմանիա, Ֆրանսիա, Ավստրիա), «Թագավորական գործեր» (A Royal Affair, Շվեդիա), 1+1 (Intouchables, Ֆրանսիա), «Կոն-Տիկի» (Kon-Tiki, Դանիա, Մեծ Բրիտանիա, Նորվեգիա) և «Ժանգ և ոսկոր» (Rust and Bone, Բելգիա) ֆիլմերը:
Հիշեցնենք, որ նախօրեին ԱՄՆ Կինոքննադատների ասոցիացիան (Broadcast Film Critics Association) 2012-ի լավագույն ֆիլմ է անվանել «Արգո «օպերացիա» քաղաքական թրիլլերը, իսկ ֆիլմի հեղինակ Բեն Աֆլեկին՝ լավագույն ռեժիսոր:
