Թունիսում խորհրդարանական և նախագահական ընտրությունները տեղի են ունենալու 2013 թ. հունիսից սեպտեմբերի ընկած ժամանակահատվածում: Ինչպես հաղորդում է RBK-ն, այս մասին Մոսկվայում հայտարարել է ՌԴ-ում Թունիսի դեսպան Ալի Գուտալին:
Նրա խոսքերով՝ ընտրությունների վերջնական օրը կնշանակի Գերագույն ընտրական կոմիտեն:
Դեսպանի խոսքերով, ընտրություններն անցկացվելու են՝ համապատասխան երկրի նոր սահմանադրության, որի վերջնական նախագիծն արդեն պատրաստ է:
Գուտալին նաև հաղորդել է, որ ընտրությունների անցկացման ժամանակ Թունիսում կարող է ընդունվել սոցիալական աշխարհի մասին օրենք, որն արգելում է ցույցերի և գործադուլների անցկացումը: Դիվանագետն ընդգծել է, որ տվյալ միջոցառումը կկրի ժամանակավոր բնույթ: «Մենք պահանջում ենք, որ քաղաքացիներին անհրաժեշտ է արտահայտել իրենց պահանջները»,- նշել է նա:
Դեսպանն ասել է, որ նոր կառավարությունը պետք է մշակի երկրի տնտեսական և սոցիալական գործողությունների ծրագիր, քանի որ հեղափոխության հանգեցրած խնդիրների մի մասը դեռևս չեն լուծվել:
«Պահպանվում է գործազրկության խնդիրը: Թունիսում գտնվում է շուրջ 800 հազար գործազուրկ, ընդ որում, նրանցից 200 հազարը բարձրագույն կրթություն ունեցող մարդիկ են»,-ասել է դեսպանը:
Հիշեցնենք, որ նախորդ խորհրդարանական ընտրությունները Թունիսում տեղի են ունեցել 2011 թ. աշնանը՝ նախագահ Զին Ալ-Աբիդին բեն Ալիի վարաչակազմի տապալումից մեկ տարի անց:
