Ղազախական «Ակտոբե»-ի և Հայաստանի ազգային հավաքականի կենտրոնական պաշտպան Ռոբերտ Արզումանյանը, ով մոտ ժամանակներս կտեղափոխվի ռուսական «Ամկար», հարցազրույց է տվել Sports.kz կայքին:
– Ռոբերտ, ինձ մոտ տպավորություն է ստեղծվել, որ մի քանի անհաջող մրցաշրջաններից հետո դուք կրկին բացվեցիք «Ակտոբե»-ում:
– Ինձ վնասվածքները թույլ չէին տալիս ազատ խաղալ: Այստեղ ամեն ինչ լավ անցավ: Կարելի է ասել, որ ես լավ երկու տարիներ անցկացրեցի այնտեղ: Իհարկե, ցանկանում էի, որ «Ակտոբե»-ի հետ դուրս գայինք ՉԼ-ի կամ ԵԼ-ի խմբային փուլ, բայց ինչ-որ բան խանգարեց մեզ:
– Տեղափոխությունն «Ամկար» առաջընթա՞ց է, թե՞ ևս ինչ-որ բան:
– Իհարկե, Ռուսաստանի Պրեմիեր լիգան այլ մակարդակ է:
– Ինչու՞ հենց «Ամկար»: Այլ առաջարկներ կայի՞ն Ռուսաստանի Պրեմիեր Լիգայի ակումբներից:
– Այո, կային, սակայն կոնկրետ առաջարկ միայն «Ամկար»-ն է կատարել:
– Ըստ Ձեզ՝ կկարողանա՞ք հարմարվել «Ամկար»-ի խաղաոճին:
– Եթե թիմն առաջարկ է կատարում և ձեռք է բերում տվյալ ֆուտբոլիստի տրանսֆերը, ապա վստահ է, որ վերջինս կկարողանա հարմարվել թիմի խաղաոճին: Ինչ վերաբերում է կենտրոնական պաշտպանի դիրքում հանդես եկող ֆուտբոլիստին, ապա նա պետք է առաջին հերթին ընդհանուր լեզու գտնի իր խաղընկերների հետ:
– «Ամկար»-ի հետ կնքել եք 2,5 տարվա պայմանագիր: Ի՞նչ եք կարծում, դա շատ չէ՞ ձեզ համար: Աստված չանի, եթե Ձեզ մոտ ինչ-որ մի բան չստացվի…
– Դեռ նոր եմ միանալու թիմին: Նրանց հետ հավաքի կմեկնեմ: Ոչ մի բացասական մտքեր չունեմ:
– Ձեր տարամդրության վրա ազդե՞լ է Ղազախստանի գավաթի խաղարկության եզրափակիչում:
– Իհարկե, ազդել և նստվածք է թողել: Ցանկանում էինք հաղթել:
– Թվաց, որ գավաթն այդքան էլ պետք չէ «Ամկար»-ին:
– Ոչ, դա այդպես չէ: Ոչ ոք չի ցանկանում պարտվել գավաթի եզրափակչում: Սակայն եզրափակիչը մեկ խաղ է, և «Կայրաթ»-ը շատ լավ խաղաց մեր դեմ:
– Անհասկանալի էր այդ խաղում «Ամկար»-ի պաշտպանների սխալները: Ի՞նչ կարծիք ունեք այդ հարցի վերաբերյալ:
– Դե, վատ խաղացինք: Բոլորն էլ հանդես եկան իրենց հնարավորություններից ցածր և այդ ամենի արդյունքում նման հաշիվ գրանցվեց: Ցանկանում եմ ներողություն խնդրել թիմի երկրպագուներից, ովքեր եկել էին մեզ աջակցելու:
– Դուք արդեն խաղացել եք Ռուաստանում: Ի՞նչ եք կարծում, Ձեզանից երկա՞ր ժամանակ կպահանջվի ավելի բարձր առաջնությունում հաստատվելու համար:
– Հարմարվելու խնդիրը միշտ էլ կա, սակայն ես կարծում եմ, որ ամեն ինչ արագ կանցնի:
– Ղազախստանի ավարտված առաջնությունում ո՞ր հանդիպումն էր Ձեզ համար ամենաանհաջողը:
– Գավաթի եզրափակիչը: Մենք այդպես պարտվելու իրավունք չունեինք:
– Դուք դարձել եք Հայաստանի հնգակի և Ղազախստանի չեմպիոն: Ո՞ր առաջնությունների չեմպիոնական գավաթն եք պատրաստվում ավելացնել Ձեր հավաքածուին:
– Դեռ չեմ մտածել այդ մասին: Ցանկանում եմ լուժել այն խնդիրները, որոնք դրված են թիմի առջև:
– Չե՞ք զղջացել, որ երկու տարի առաջ տեղափոխվեցիք «Ակտոբե»:
– Ոչ, ամեն ինչ շատ լավ էր:
– Սլովալյուբ Մուսլինի հետ ծանո՞թ եք:
-Այո:
– Ի՞նչ եք կարծում, հաջորդ մրցաշրջանում «Ակտոբե»-ին ի՞նչ է սպասվում:
– «Ակտոբե»-ն ինչպես միշտ կփորձի պայքարել բարձր հորիզոնականների համար: Ամեն ինչ դրա համար կա, և՛ ղեկավարություն, և՛ մարզչական շտաբ, և ՛ ֆուտբոլիստներ, և՛ երկրպագուներ:
