ԱՄՆ հետախուզական կենտրոնի գաղտնի բանտերը Լեհաստանում իրականություն են: Արդեն տեղի քաղաքական գործիչներն էլ են խոստովանում՝ ԿՀՎ-ի բանտերում տանջել են «Ալ-Քաիդայի» և այլ շարժման անդամների, գրում է Vesti-ն:
Դարպասի ամբողջ երկայնքով տեղակայված են բանտերը: Կրկնակի ցանկապատի հետևում անտառն է, անտառի հետևում՝ լեհական հետախուզության ուսուցման կենտրոնը: Այն գտնվում է Վարշավայից 200 կմ հեռավորության վրա:
Լեհական Հին Կեյկուտ գյուղը հայտնի դարձավ 2005թ., երբ լուրեր տարածվեցին այնտեղ գտնվող ԿՀՎ-ի բանտերի մասին: Լեհական իշխանություններն անմիջապես ժխտեցին ամեն ինչ:
«Այսօր ոչ մի կասկած չկա՝ Լեհաստանում եղել են նման բանտեր, որտեղ կտտանքներ են իրականացվել: Դա լեհական սահմանադրության և եվրոպական խարտիայի մարդու իրավունքների խախտում է: Այդ իսկ պատճառով էլ ես վստահ եմ, որ ուշ թե շուտ որևէ մեկը պատասխանատվություն կկրի»,- ասել է «Պալիկոտի շարժում» կուսակցության և սեյմի անդամ Անջեյ Ռոզենեկը:
Շվեյցարացի սենատոր Դիկ Մարտին, սակայն, հայտարարեց, որ նման բանտախցեր պետք չէ միայն Լեհաստանում փնտրել:
2009թ. նման բանտեր հայտնաբերվեցին Լիվայում: Հետաքննության արդյունքում կոնկրետ փաստեր չհայտնաբերվեցին:
