Հնդկաստանում 8 կանայք մահացել են ամլացման վիրահատությունից հետո: Վիրահատությունները կատարվել են առողջության կենտրոնում, որը կազմակերպվել էր երկրի կենտրոնական Չհատիսգարհ նահանգի կառավարության կողմից:
Եվս 30 հիվանդների մոտ ի հայտ են եկել բարդություններ, նրանցից ոմանց մոտ բարդությունները ծանր են: Այս մասին հայտնում է BBC-ն:
Անցած շաբաթ օրը 83 կանայք կամավոր կերպով ենթարկվել են ամլացման:
Տեղի բնակիչների խոսքով՝ բոլոր կանանց վիրահատել է մեկ բժիշկ՝ մեկ օգնականի օգնությամբ: Ականատեսները հաստատում են, որ ողջ գործընթացը տևել է 6 ժամ, այսինքն՝ յուրաքանչյուր հիվանդի հատկացվել է 5 րոպեից էլ պակաս ժամանակ:
Բժիշկները հերքում են անփութության մեղադրանքները: Նահանգի կառավարությունը հետաքննություն է սկսել:
Ամլացման վիրահատությունն անցկացվում է ընտանիքի պլանավորման և ծնելիության նվազեցման կառավարական ծրագրի շրջանակում:
Ժողովրդագիրների հաշվարկներով՝ 2030 թվականին բնակչության թվաքանակով Հնդկաստանն առաջ կանցնի Չինաստանից:
