Ինչպես արդեն տեղեկացրել ենք, Չեմպիոնների լիգայի խմբային փուլի 4-րդ տուրում Դորտմունդի «Բորուսիա»-ն սեփական հարկի տակ 4:1 հաշվով առավելության է հասել թուրքական «Գալաթասարայ»-ի նկատմամբ:
Հայաստանի ազգային հավաքականի կիսապաշտպան Հենրիխ Մխիթարյանը մասնակցել է ամբողջ հանդիպմանը: Who Scored-ը ներկայացրել է Հենրիխի վիճակագրությունն ու գնահատականը:
Այսպիսով՝ կիսապաշտպանը կատարել է 2 հարված դեպի դարպասը: Հարվածներից մեկը շեղ է եղել, մյուսը արգելափակել են պաշտպանները: Նա կատարել է 50 փոխանցում՝ 41-ը՝ ճշգրիտ (82%): Նա ձեռնարկել է 6 անցում, որից 5-ը ստացվել է (83%):
Ֆուտբոլիստը մեկական անգամ հաղթել է օդային պայքարում ու խլել գնդակը: Մխիթարյանը խաղից դուրս վիճակում չի հայտնվել, 2 անգամ խախտել է խաղի կանոնները: Նա ստացել է 7.39 գնահատականը:
