Իսպանական լրատվամիջոցները տեղեկացնում են, որ Մադրիդի «Ռեալ»-ի նախկին գլխավոր տնօրեն Խորխե Վալդանոն իր կարծիքն է հայտնել «արքայական ակումբ»-ի գլխավոր մարզիչ Ժոզե Մոուրինյոյի մասին: 1986 թվականի աշխարհի չեմպիոնը նշել է պորտուգալացի մասնագետի հատկապես որոշ արժեքները:
«Մարզիչներն ավելի բարձր են սկսել գնահատվել ֆուտբոլի աշխարհում: Նախկինում ավելի կարևոր նշանակություն ուներ առաջատար ֆուտբոլիստը, իսկ այժմ` մարզիչը: Մոուրինյոյի անունը համարժեք է «հաջողություն» հասկացությանը: Վերջին 10 տարիների ընթացքում նա 7 անգամ ազգային առաջնությունների չեմպիոն է դարձել, սակայն նաև շարունակում է հաղթանակների ձգտել: Նման մասնագետները միշտ շատ բարձր արժեք կունենան»,- նշել է Վալդանոն:
Հիշեցնենք, որ ժամանակին հենց Մոուրինյոն նպաստեց «արքայական ակումբ»-ի նախագահ Ֆլորենտինո Պերեսի աջ ձեռքը համարվող Վալդանոյի հրաժարականին:
