«Բարսելոնա»-ի ղեկավարությունը վստահում է թիմի գլխավոր մարզիչ Լուիս Էնրիկեին: Այդ մասին հայռարարել է կատալոնական ակումբի նախագահ Խոսեպ Մարիա Բարտոմեուն:
«Մեր ակումբը լիովին վստահում է Լուիս Էնրիկեին: Վստահ եմ, որ մենք արագ կմոռանանք վերջին երկու պարտությունների մասին: «Բարսելոնա»-ում արտակարգ իրավիճակ չի հայտարարվել: Մենք անհանգստացած չենք:
Մենք շատ գոհ ենք մեր մարզչի աշխատանքից: Լուիս Էնրիկեի կիրառած ռոտացիան նորմալ երևույթ է: Ցանկանում ենք հաղթանակ տանել բոլոր մրցաշարերում»,- Marca-ն մեջբերում է Բարտոմեուի խոսքերը:
Հիշեցնենք` ավելի վաղ տարածված տեղեկությունների համաձայն` «Բարսելոնա»-ի որոշ ֆուտբոլիստներ դժգոհություն են հայտնել գլխավոր մարզչի վարած փիլիսոփայության կապակցությամբ:
