Ռուսաստանի նախագահ Դմիտրի Մեդվեդևը, ելույթ ունենալով տնտեսության արդիականացման և տեխնոլոգիական զարգացման հանձնաժողովի նիստին, սուր քննադատության է ենթարկել երկրում ներդրումային իրավիճակը: Մեդվեդևը նշել է, որ երկիրը կարիք ունի օտարերկրյա և հայրենական ներդրողների. «Մեզ անհրաժեշտ է հայրենական և օտարերկրյա ներդրողների շահագրգռվածությունը: Ի՞նչ ունենք մենք այսօր: Ցավոք, մենք տեսնում են այդ վստահության դեֆիցիտ»,- նշել է Մեդվեդևը` Մագնիտոգորսկում կայացած նիստի ժամանակ:
Նա նշել է, որ ներդրումային մթնոլորտը շատ վատն է երկրում, և դրանում մեղավոր են կաշառակերությունը և հարկային բեռը: «Կաշառակերությունը շարունակում է մնալ հիմնական գործոնը, որն ազդում է ընդհանուր տնետսական իրավիճակի վրա: Կոռուպցիայի տեմպերը չեն պակասում, այն բռնել է ողջ տնտսության բկից: Եվ արդյունքն ակնհայտ է. «Գումարները «փախչում են» մեր տնտեսությունից»,- շեշտել է Մեդվեդևը:
Նա հատկապես առանձնացրել է այն փաստը, որ Ռուսաստանում անհնար է անվտանգ և հաջող ձեռնարկատիրական գործունեություն ծավալել. «Մենք չենք կարող դրա հետ հաշտվել, ո՛չ ես, ո՛չ էլ ՌԴ կառավարությունը: Քանի դեռ մենք չենք կարողացել երկիրը դարձնել գրավիչ ձեռնարկատիրության և մասնավոր ներդրումային գործունեության համար, մենք չենք լուծի հիմնական խնդիրը. չենք փոխի կենսամակարդակը, իսկ դա երկրի ցանկացած ղեկավարի աշխատանքի նպատակն է, ցանկացած կառավարության, իշխող կուսակցության, ռեգիոնի ղեկավարի, տեղական ինքնակառավարման մարմնի ղեկավարի: Բոլորի՛»,- նշել է Մեդվեդևը:
«Ես հանձնարարում եմ գլխավոր դատախազին մոտավորաես մայիս ամսից հատուկ օրենսդրական նախաձեռնությամբ ստեղծել մեխանիզմ, որով կքննարկվեն պետական մարմինների անգործությունը, որոնք պարունակում են մեղադրանքներ կաշառակերության մեջ»,- ասել է նա:
Մեդվեդևը նաև ասել է, որ բոլոր ռեգիոններում լինելու են նախագահի հատուկ ներկայացուցիչները, որոնք զբաղվելու են ներդրումներով, որոնք հետևելու են ներդրող-պետական մարմիններ փոխհարաբերություններին:
Մեդվեդևը նաև խոստացել է, որ առաջիկայում բոլոր պետական ձեռնարկություններից կամ պետական ներկայությամբ ընկերությունների խորհուրդներից պետք է հանվեն նախարարները: Նա անթույլատրելի է համարել այս հանգամանքը, երբ պրոֆիլային նախարարները տեղ են զբաղեցնում այն ընկերությունների տնօրենների խորհրդում, որոնք աշխատում են մրցակցային դաշտում:
