«Տնտեսական մրցակցության պաշտպանության հանձնաժողովի 2015-ի բյուջեն կազմում է 300 միլիոն դրամ, հիմնական փոփոխությունը պայմանավորված է աշխատավարձերի բարձրացմամբ: Ծրագրային փոփոխություններ հանձնաժողովը չի իրականացնում»,- այսօր ԱԺ-ում բյուջեի նախագծի քննարկմանն ասաց ՏՄՊՊՀ նախագահ Արտակ Շաբոյանը:
Արտակ Շաբոյանը նշեց, որ արտաբյուտային միջոցներ չունեն, իսկ ստուգման արդյունքում արձանագրված տուգանքների գումարներն ամբողջությամբ մուտքագրվում են բյուջե:
Նա նաև նշեց, որ ԱԺ են ներկայացրել օրենսդրական փաթեթ, որով տուգանքների գանձման նոր մեխանիզմներ են առաջարկում. դատական գործընթացները երկարատև պրոցես են, դատարաններում մեծ ռեսուրսներ են ծախսվում:
«Առիթից օգտվելով՝ ուզում եմ ասել, որ մցրակցությունը լայն հասկացություն է, և մրցակցության վրա ազդում են տարբեր գործոններ, և մեր ուսումնասիրությունները ցույց են տալիս, որ շատ դեպքերում մրցակցությունը կարող է խաթարվել»,- հավելեց նա:
