Եթե դու ծանր օր ես ունեցել և որոշել ես ուժ ստանալ հեռուստացույցից ու շոկոլադից, ապա պատկերացրու, որ քեզ են հառվել ամերիկացի գիտնականների կշտամբող հայացքները։
Վտանգավոր կալորիական սնունդը քեզ ավելի չի մխիթարի, քան մյուս մթերքները։ Ավելին՝ քաղցրավենիքները որպես մելամաղձությունից ազատվելու դեղամիջոց օգտագործելը նույնպիսի ազդեցություն ունի տրամադրության վրա, ինչպես քաղցելը։
Մինեսոտայի համալսարանի գիտնականները հայտնաբերել են, որ վատ տրամադրություն ունեցող ուսանողների վիճակը չի փոխվել՝ անկախ այն բանից՝ նրանք վտանգավո՞ր, թե՞ օգտակար սնունդ են կերել կամ ընդհանրապես ոչինչ չեն կերել։
Գիտնականները հույս ունեն, որ ստացված արդյունքները կօգնեն այն մարդկանց, ովքեր փորձում են քաշ գցել կամ ավելի շատ առողջ սնունդ ուտել։ Քանզի եթե տրամադրությունդ վատ է, հիմարություն է կարծել, թե վտանգավոր սնունդը կօգնի այն փոխել։
