Վերջին երեք օրերին սիրիական Քոբանի (Այն էլ-Արաբ) քաղաքում ԴԱԻՇ-ի (Իրաքի և Շամի իսլամական պետություն) ավելի քան 100 գրոհայիններ են սպանվել, հաղորդում է «Մարդու իրավունքների մոնիթորինգի սիրիական կենտրոնը», մեջբերում է France Presse-ը:
Կազմակերպության տվյալներով՝ Քոբանիում պատերազմական գործողությունների սկզբից 958 մարդ է զոհվել, որոնցից 576-ը ԴԱԻՇ-ի գրոհայիններ են, իսկ 361-ը՝ քաղաքը պաշտպանող քրդական ջոկատայիններ: Մարտական գործողությունների հետևանքով առնվազն 21 խաղաղ բնակիչ է զոհվել:
ԴԱԻՇ-ի գրոհայիններն ավելի քան 40 օր գրոհում են Քոբանի քաղաքը, որը քրդական ինքնավար ադմինիստրացիայի խոշոր կենտրոններից է: Ծայրահեղականների հսկողության տակ են գտնվում տասնյակ քրդական գյուղեր: Քոբանիից գրեթե 200 հազար խաղաղ բնակիչներ հարևան Թուրքիա են փախել:
