ԱՄՆ-ում քննում են տարօրինակ միջադեպը, երբ սթրիփ-ակումբներից մեկի մերկապարուհին պրիվատ պարից հետո մահվան եզրին է կանգնել: 22-ամյա մերկապարուհի Բլոք Լորենը ընկել է 4.5 մ բարձրությունից՝ ստանալով գլխի լուրջ վնասվածքներ: Աղջիկը հոսպիտալացվել է , բժիշկները նրա վիճակը գնահատում են ծայրահեղ ծանր,- հաղորդում է Fox 8 News հեռուստաալիքը: Պարուհու մտերիմները միջադեպը կասկածելի են համարում, բայց ոստիկանությունը հակված է այն որակելու որպես դժբախտ պատահար:
Դեպքը տեղի է ունեցել Քլիվլենդ քաղաքի Cabaret Christie ակումբում: Ոստիկանությունը հաղորդում է, որ ի սկզբանե հաղորդագրություն է ստացվել այն մասին, թե կնոջը վայր են նետել պատժգամբից: Սակայան ժամանելով դեպքի վայր՝ իրավապահները փոխել են իրենց կարծիքը՝ որոշելով, որ խոսքը դժբախտ պատահարի մասին է:
Գլխավոր վկան է ոմն Պասկալ Ստորինոն, որը պատվիրել է մերկապարուհու այդ պարը: Իրադարձությունները տեղի են ունեցել ակումբի երկրորդ հարկում, պատշգամբի հարևանությամբ:
Ոստիկանության հաշվետվությունում նշվում է, որ աղջիկը սկզբում պարել է տղամարդու ծնկներին, իսկ հետո սկսել է օգտագործել ավելի բարդ շարժումներ, բայց մի պահ ինչ-որ բան այնպես չի ընթացել: Նա բռնել է պատշգամբի ճաղերից, սակայն այդ պահին ուղիղ գլխի վրա ընկել է ցած: Նա վայրէջք է կատարել գետնին, ամբողջ դեմքը արյան մեջ է եղել: Տուժածին անմիջապես հիվանդանոց են հասցրել:
Բացի Ստորինոյից, դեպքի վկա են եղել ևս երկու տղամարդ, սակայն նրանք լքել են հաստատությունը դեպքից անմիջապես հետո: Եվս մեկ հաճախորդ նշել է, որ մերկապարուհուն տեղել է գետնին ընկած, սակայն չի նկատել, թե ինչպես է նա ընկել:
Բլոք Լորենի հետ աշխատող աղջիկներից մեկը նշել է, որ միջադեպը տարօրինակ է համարում, քանի որ հայտնի են դեպքեր, երբ մերկապարուհիները ընկել են ձողից, բայց ոչ պատշգամբի ճաղավանդակից:
Չնայած այս ամենին, ոստիկանությունը նշել է, որ տվյալ դեպքը չի քննում որպես քրեական: Նրանք նույնիսկ ուսումնասիրել են ակումբի տեսախցիկների տեսագրությունները, սակայն ապարդյուն:
