Իսպանուհին, ով աշխատում է Վաշինգտոնում արհմիութենակա կազմակերպությունում, ԱՄՆ Կոնգրեսին համոզել է կատարել խոստումը, որը տրվել էր իրենց 1783 թվականին: Այս մասին հայտնում է The Washington Post-ը: 231 տարի առաջ Կոնգրեսը որոշել էր իր շենքում կախել ԱՄՆ-ի անկախության համար պատերազմում կռված իսպանացի հերոս Բեռնարդո դե Գալվեսի դիմանկարը:
45-ամյա Տերեսա Վալկարսեն սկսել էր արդարության համար իր պայքարը՝ մորից ստանալով նամակ՝ թերթի հոդվածով, որում տեղ էր գտնել ամերիկյան իշխանությունների խոստումը: Բացի այդ, նա պատմաբանների օգնությամբ գտել էր 1783 թվականին Կոնգրեսի ընդունած բանաձևը, որը վկայում է այն մասին, որ դիմանկարը պետք է կախված լինի այն սրահում, որտեղ նիստեր է անցկացնում Կոնգրեսը:
Նրա պայքարը մի քանի տարի է տևել, սակայն նա ի վերջո հասել է ԱՄՆ Կոնգրեսի կողմից խոստման կատարման:
Իսպանացի նկարիչ Կառլոս Մոնսերատեն ստեղծել է հերոսի դիմանկարի բնօրինակի պատճեն: Դիմանկարի հանդիսավոր բացումը ծրագրված է նոյեմբերին: Կինը ցանկություն է հայտնել միջոցառմանը հրավիրել Իսպանիայի թագավորին:
