«Մաղթում եմ պետական մարմիններին, որ, իրոք, ավելի խիզախ գնանք առաջ ու բարեփոխումներ իրականացնենք: Հայաստանը ժամանակ չունի, նաև՝ ԵՄ-ի հետ համագործակցության առումով»,- «Առաջին լրատվական»-ի հետ զրույցում իր մաղթանքները փոխանցեց Գործատուների հանրապետական միության նախագահ Գագիկ Մակարյանը՝ նշելով, որ բանկային համակարգում, լիզինգային և վարկավորման մեխանիզմները պետք է հեշտացվեն, որպեսզի արտադրության արդիականացում տեղի ունենա: Ըստ նրա՝ ներկայում 170 հզ. ձեռնարկությունների կեսից ավելին չի գործում, մյուս կեսի մեջ էլ չկան մոդեռն ձեռնարկություններ:
Մասնավոր հատվածին Մակարյանը մաղթեց բարձր գրագիտություն, ավելի քաղաքացիական մտածելակերպով սկսեն շարժվել, կրթության ոլորտում ներդրումներ կատարեն, ձեռնարկությունները թափանցիկություն ապահովեն:
«Հասարակությանը մաղթում եմ՝ լինել ավելի կրթված, որ իրենց իրավունքները կարողանան պաշտպանել, լինել ավելի ակտիվ ու բարյացակամ: Աշխատասեր, տանջված ժողովրդին՝ առողջություն, հույս, կամք, որ հասնենք մեր նպատակներին»,- ասաց Գ. Մակարյանը:
