Ոխերիմ թշնամիները՝ Հայաստանի նախագահ Սերժ Սարգսյանը և Ադրբեջանի ղեկավար Իլհամ Ալիևը, հանկարծ բարեկամներ էին դարձել: Գրեթե: Քանի դեռ չէր հիշատակվում Լեռնային Ղարաբաղի խճճված թեման, գրում է ֆրանսիական Le Monde պարբերականը՝ ամփոփելով հոլտեմբերի 27-ին Փարիզում անցկացված Սարգսյան-Ալիև բանակցությունները:
«Նրանք շատ մտերիմ էին, համախոհներ,- թերթին պատմում է Ֆրանսուա Օլանդին մոտ կանգնած ֆրանսիացի դիվանագետը:- Մենք տեսանք, որ նրանք զրուցում էին և միմյանց դիմում էին «դու»-ով» :
Ո՞վ է պատասխանատու այդ հրաշքի համար: Միգուցե Ֆրանսուա Օ՞լանդը, հարցադրում է կատարում թերթը:
Հոկտեմբերի 27-ին Ելիսեյան պալատում երկու նախագահներին ընդունած Ֆրանսուա Օլանդը փորձեց բազմազանեցնել քննարկման թեմաները, որպեսզի Սարգսյանը և Ալիևը չկպչեն այդ կոնֆլիկտային հողի մեկ և միակ թեմային: «Նրանք իրենց հաշիվ էին տալիս, որ ունեն ընդհանուր մարտահրավերներ, որ բախվում են միևնույն խնդիրներին»,- ասում է դիվանագետը:
Ֆրանսիացի դիվանագետի խոսքով՝ թեև այս ամառվանից սկսած «վատ կլիմային», խրամատային պատերազմի սրմանը և գրանցված տասնյակ զոհերին՝ իրենց ուրախացրել են երկուշաբթի գրանցված արդյունքները:
«Մենք լավ աշխատանք արեցինք»,- թերթին ասել է նախագահին մոտ կանգնած մեկ այլ դիվանագետ: