Դեռահասների շրջանում ոջիլների տարածման հիմնական պատճառը «սելֆիի» տարածվածությունն է, հայտնում է Ria Novosti-ն՝ հղում անելով ՌԴ Սպառողների իրավունքների և մարդու բարեկեցության պաշտպանության ոլորտում վերահսկողության դաշնային ծառայության (Ռոսպոտրեբնադզոր) Կուրսկի վարչությանը: Ինքնանկարներ անելով՝ դեռահասներն իրար են հպում գլուխները, ինչի հետևանքով ոջիլները մի տիրոջից անցնում են ուրիշին, ասվում է պեդիկուլյոզի դեմ պայքարի մասին հուշագրում:
«Դեռահասների շրջանում պեդիկուլյոզի տարածման պատճառը, փորձագետների կարծիքով, «սելֆի» լուսանկարով տարվածությունն է, որի ժամանակ դեռահասների խմբի կամ զույգի համատեղ լուսանկարները նպաստում են մակաբույծների փոխանցմանը գլուխների հպվելու ժամանակ, քանի որ դա ոջիլների փոխանցման հիմնական ճանապարհն է»,- ասվում է հաղորդագրության մեջ:
