Քարդաշյան քույրերը շարունակում են համագործակցել բրիտանական Lipsy բրենդի հետ: Աշուն-ձմեռ 2014-2015 սեզոնի համար Քիմը, Քորթնին և Քլոեն արդեն թվով հինգերորդ հավաքածուն են թողարկում՝ Kardashian Kollection, որտեղ ներառված են նեղ զգեստներ, բոդիներ, կոմբինեզոններ, վերարկուներ և այլն՝ գրում է elle.ru-ն:
«Մենք երեքս էլ ջանասիրաբար աշխատել ենք այս հավաքածուի վրա: Լավ է, որ մենք այսքան տարբեր ենք: Դա մեզ օգնում է դիզայնի գործում: Քլոեն բարձրահասակ է, Քորթնին՝ ցածրահասակ: Այնպես որ՝ եթե մենք կարողացել ենք այնպիսի հագուստ ստեղծել, որը հարմար է մեզ երեքիս, ապա դրանք շատ լավ կնայվեն բոլորի վրա»,- մեկնաբանել է Քիմը:
Քարդաշյան քույրերը իրենց հավաքածուի գովազդային արշավի գլխավոր հերոսուհիներն են: Ֆոտոշարքի հեղինակը հայտնի լուսանկարիչ Էլլեն ֆոն Ունվերտն է:
