Interfax-Azerbaijan-ին տված հարցազրույցի ժամանակ Իրանի նախագահ Մահմուդ Ահմադինեժադի խորհրդական Մուհամմեդ Բագիր Հուրամշադմը անդրադարձել է Ղարաբաղյան հակամարտության կարգավորման հարցում Իրանի հնարավոր միջնորդությանը.
«Իրանը՝ որպես Հայաստանի ու Ադրբեջանի հարևան, կարող է միջնորդ հանդիսանալ այդ հարցում և, որպես աքսաքալ (սպիտակամորուս), գտնել այդ հակամարտության կարգավորման ուղիները: Այսինքն, մենք՝ որպես տարածաշրջանի երկիր, կարող ենք շատ ավելի արդյունավետ գործել, քան ԵԱՀԿ Մինսկի խումբը, որի անդամների մեծ մասը գտնվում է տարածաշրջանից հեռու և տեղյակ չէ նրա առանձնահատկություններից:
Մենք կարող ենք այդ հարցում արդյունքներ գրանցել: Մենք հայտարարում ենք, որ պետք է վերջակետ դնել այդ հակամարտությանը: Իր գործունեության ընթացքում ԵԱՀԿ Մինսկի խումբը ոչնչի չի կարողացել հասնել: 18-ամյա ժամկետի արդյունքները հավասար են զրոյի»:
