ԱՄՆ-ի բնակիչները ընտրել են այն բառերն ու բառակապակցությունները, որոնք իրենց ամենաշատն են զայրացրել անցնող տարում: Այս մասին հայտնում է ITAR-TASS-ը:
Ինչպես ցույց են տվել Հասարակական կարծիքի նյույորքյան ինստիտուտի անցկացրած սոցհարցման տվյալները, ամենազայրացնողը ամերիկացիները համարել են whatever (ինչևէ, կարևոր չէ) բառը: Դրա դեմ է հանդես եկել հարցման մասնակիցների 32 տոկոսը՝ անցած տարվա 38 տոկոսի փոխարեն:
Հակավարկանիշի երկրորդ տեղում like բառն է, որն այս տարի զայրացրել է ամերիկացիների 21 տոկոսին՝ 2011-ի 20 տոկոսի փոխարեն:
Եռյակը եզրափակում է you know (դու գիտես) արտահայտությունը, որի դեմ է արտահայտվել հարցվածների 17տոկոսը (2011-ին`19 տոկոս)
Հարկ է նշել, որ whatever բառը ամենազայրացնողն է ճանաչվում 4-րդ տարին անընդմեջ: Ամերիկացիները սկսել են ավելի հանդուրժողաբար վերաբերվել seriously (լուրջ) մակբային, որն այս տարի ցուցակից անհետացել է:
