Այսօր` ժամը 16:00-ից, «Երիտասարդական աշխարհ» հասարակական կազմակերպությունն իրականացրեց ֆլեշ-մոբ` «Ձերբազատվենք էժանագին դիմակներից» խորագրով: Քաղաքի կենտրոնում` Օպերային հարող փողոցներից, շուրջ 50 երիտասարդներ դիմակներով քայլեցին դեպի Հյուսիսային պողոտայի սկզբնամաս: Երիտասարդները կրում էին հետևյալ բովանդակությամբ դիմակներ, օրինակ`
«Ես կեղծ մտավորական եմ»
«Ես ծախված ընտրող եմ»
«Ես անպիտան բժիշկ եմ»
«Ես տուրիստ գցող եմ»
“Ես 30 րոպեանոց գովազդ եմ»
«Ես գլամուռ եմ»
«Ես կեղծ հայրենասեր եմ»
«Ես քյառթու եմ» և այլն:
Ընդհանուր առմամբ, շուրջ նմանատիպ 50 խոսքերով փորձ է արվում ցույց տալ հասարակության մեջ առկա էժանագին բարքերը և վնասակար սովորությունները:
Վերջում երիտասարդներն այրեցին բոլոր դիմակները` ի նշան այն բանի, որ անհրաժեշտ է ձերբազատվել նման կեղծ և վնասակար դիմակներից և նպաստել հասարակության բարեփոխմանը:
ԵԱՀԿ լրատվական բաժին
