Բրիտանական Bloomsbury հրատարակչությունը, որը թողարկել է Ջոան Ռոուլինգի՝ Հարի Փոթերի մասին սագայի բոլոր մասերը, հայտարարել է Հարի Փոթերի Համաշխարհային գիշեր: Այս մասին հայտնում է gazeta.ru-ն:
Հրատարակչությունը հայտնում է, որ փետրվարի 5-ին Մեծ Բրիտանիայի ամբողջ տարածքում և աշխարհի մի քանի երկրներում կանցկացվեն փոքրիկ հրաշագործին և Ջոան Ռոուլինգի ստեղծած աշխարհին նվիրված տարբեր միջոցառումներ:
Bloomsbury-ը նաև դպրոցներին, գրադարաններին ու գրախանութներին հրավիրել է այդ օրն ինքնուրույն կազմակերպել Հարի Փոթերին նվիրված տոնական երեկո: Այդպիսի հաստատությունների հայտ ներկայարած ներկայացուցիչներին հրատարակչությունը խոստացել է Bloomsbury-ի զվարճալի թեմատիկ արտադրանքով տոնական փաթեթներ:
