Իսպանիայի ազգային հավաքականի գլխավոր մարզիչ Վիսենտե դել Բոսկեն հրաժարվել է պատասխանել «Բարսելոնա»-ի նախկին գլխավոր մարզիչ Պեպ Գվարդիոլային վերաբերող` լրագրողների հարցերին: Դել Բոսկեին հարցրել են` տեսնո՞ւմ է արդյոք նա Գվարդիոլային իր հետնորդի դերում:
«Գվարդիոլան աշխարհ սիրող մարդ է: Մի անգամ իմ օգնական Տոնի Գրանդի հետ Բարսելոնայում էինք և ճաշում էինք Գվարդիոլայի հետ: Պեպն ինձ ասաց, որ շատ է սիրում Մադրիդը, սիրում է զբոսնել քաղաքով:
Ինչ վերաբերում է այն հարցին, թե համարում եմ ես նրան իմ հետնորդը Իսպանիայի ազգային հավաքականի գլխավոր մարզչի պաշտոնում, ապա ես իրավասու չեմ պատասխանելու այդ հարցին: Սակայն եթե Իսպանիայի ֆուտբոլի ֆեդերացիան հարցնի ինձ, ես կարտահայտեմ կարծիքս: Միշտ պատրաստ եմ օգտակար լինել այդ հարցում»,- հայտարարել է դել Բոսկեն:
