Բրազիլիայի Պերնամբուկո նահանգում ուղևորատար ավտոբուսը բախվել է բեռնատար մեքենային, ինչի հետևանքով զոհվել է 11 մարդ: Այս մասին հաղորդում է RIA Nоvosti-ն՝ վկայակոչելով տեղի ԶԼՄ-ները:
Ոստիկանության տվյալներով, բեռնատարի վարորդը եղել է ոչ սթափ վիճակում և դուրս է եկել երթևեկության հանդիպակաց գիծ:
Նշենք, որ անցած շաբաթ Բրազիլիայում խստացվել է ոչ սթափ վիճակում ավտոմեքենա վարելու պատիժը: Այժմ ոստիկանությունն իրավունք ունի նման վարորդներից վերցնել վարորդական վկայականը, իսկ տուգանքը տատնվում է 460-ից 920 դոլարի սահմաններում: Սակայն այս պատիժը չի վերաբերում այն վարորդներին, որոնց պատճառով վթարը մահվան ելք է ունեցել. նման դեպքում պատժամիջոցներն ավելի խիստ են: