Մարիո Մոնտին չի առաջադրի իր թեկնածությունը Իտալիայի առաջիկա խորհրդարանական ընտրություններում: Իր որոշման մասին նա հայտարարել է տարվա արդյունքների ամփոփոիչ մամլո ասուլիսում: Ինչ-որ բան նախկին վարչապետին հուշել է, որ նման բան անել պետք չէ: Այս մասին գրում է Kommersant-ը:
Նրա հայտարարությունը հիասթափեցրել է Եվրոպային և Իտալիայի այն հատվածին, որը մտադիր էր հաղթահարել երկբևեռության դարաշրջանը և փորձել իշխանության բերել կենտրոնական ուժերին, որոնք երկրում կապահովեին, այսպես կոչված, զարգացման եվրոպական չափավոր ուղի: Նա կարող էր իր մասնակցությամբ կենտրոնամետների համար ապահվել ընտրողների ձայների 30 տոկոսը։
Այժմ խորհրդարանական ընտրություններում հաղթանակի առավել իրական թեկնածուն Դեմոկրատների կուսակցության թեկնածու Պիեռ Լուիջի Բերսանին է, որի օգտին պատրաստ է քվեարկել ընտրողների 30 տոկոսը:
Ինչ վերաբերում է Սիլվիո Բեռլուսկոնիին, ապա նա հայտնվում է օրենքի տակ, որն ընդունել էր խորհրդարանի նախկին կազմը: «Մաքուր ցուցակների մասին» օրենքն արգելում է դատվածություն ունեցող մարդկանց մասնակցությունը ցանկացած մակարդակով անցկացվող ընտրություններին:
Երեկ երեկոյան խորհրդարանն արձակած պետության ղեկավար Ջորջո Նապոլիտանոն ընտրությունները նշանակել է փետրվարի 24-ին:
Մոնտիի կառավարությունը օրերս պաշտոնաթող եղավ, քանի որ Բեռլուսկոնիի «Ազատության ժողովուրդ» խմբակցությունը հրաժարվեց երկրի խորհրդարանի երկու պալատներում աջակցել կառավարական օրինագծերին և բացասական գնահատական տվեց Մոնտիի կաբինետի գործունեությանը:
