ՄԱԿ-ի Անվտանգության խորհրդի անդամ եվրոպական երկրները՝ Ֆրանսիան, Գերմանիան, Պորտուգալիան և Մեծ Բրիտանիան, Իսրայելից պահանջել են անհապաղ դադարեցնել օկուպացված պաղեստինյան տարածքներում շինարարական գործունեությունը: Այս մասին հայտնում է ITAR-TASS-ը:
Համատեղ հայտարարությունում, որը չորեքշաբթի լրագրողներին է ներկայացրել ՄԱԿ-ում Միացյալ թագավորության մշտական ներկայացուցիչ Մարկ Լայալ Գրանտը, Իսրայելի գործողություններն անօրինական և «խաղաղ բանակցությունները վերասկսելու միջազգային բոլոր ջանքերի համար կորսատաբեր» են անվանվել:
Հայտարարության համաձայն՝ այդ գործողությունները խափանել են երկու անկախ պետությունների ստեղծման ուղով հակամարտության կարգավորման հույսերը: Այդ նպատակին հասնելուց է կախված Իսրայելի անվտանգության երկարաժամկետ հեռանկարը,- հիշեցրել է դիվանագետը:
«Ողջ շինարարարական գործունեությունը, այդ թվում՝ Արևելյան Երուսաղեմում, անօրինական է և պետք է անհապաղ դադարեցվի»,- ընդգծել է Գրանտը:
Չորս պետությունների անունից նա խորին անհանգստություն է արտահայտել Իսրայելի պլանների դեմ, որոնք ուղղված են շինարարությունը ռազմավարական կարևոր նշանակություն ունեցող Е1 գոտում ատիվացնելուն: Այդ գոտին կապում է Հորդանան գետի Արևմտյան ափի հյուսիսային և հարավային մասերը:
