Ճիզվիտների միաբանությունը համաձայնել է 166 միլիոն դոլար վճարել հոգևորական-մանկապիղծներից տուժած 500 ամերիկացիներին, որոնք դատական հայցեր էին ներկայացրել:
Ինչպես հաղորդում է Agence France-Presse-ը, համաձայնագիրը կնքվել է մարտի 25-ին:
Համաձայնագրի պայմաններից մեկի համաձայն` ճիզվիտների միաբանությունը նաև գրավոր ներողություն կներկայացնի բոլոր տուժածներին և հնարավորություն կտա նրանց ծանոթանալու իր արխիվին, որտեղ պահվում են անձնական տվյալներ և բժշկական քարտեր:
«Սա հատուցման և արդարադատության օր է»,- Associated Press-ի հետ զրույցում նշել է 51-ամյա Կլարիտա Վարգասը, որը ճիզվիտներին մեղադրել է նրանում, որ ինքն ու իր երկու քույրերը տուժել են մանկապիղծ-հոգևորականների սեռական ոտնձգություններից` հնդկական բնակավայրերի դպրոցներում 1960-ականների վերջին և 70-ականների սկզբին:
Շուրջ 500 տուժածների հայցը դատարան է ներկայացվել 2009թ.-ին:
Հանցագործությունները կատարվել են 1940-ականներից 1990-ական թվականներին:
2009թ. վերջին պարզվեց, որ ճիզվիտների միաբանությունն ունի 4.8 մլն-ի բանկային հաշիվ և 61.8 մլն դոլար արժողությամբ անշարժ գույք: Թե որտեղի՞ց է կարողացել միաբանությունը 166 մլն դոլար հայթայթել տուժածներին վճարելու համար` հայտնի չէ:
