Իսպանիայի հավաքականի գլխավոր մարզիչ Վիսենտե դել Բոսկեն հայտարարել է, որ ոչինչ ոչ ոքի չի ապացուցելու:
Աշխարհի չեմպիոնների գլխավոր մարզիչն այդ ոգով է պատասխանել Ժոզե Մոուրինյոյի` վերջերս կատարած հայտարարություններին:
Պորտուգալացի մասնագետը հայտնել էր, որ ժամանակ չունի տարվա լավագույն մարզչի կոչման մասին մտածելու: Այդ մասին կարող են խորհել դել Բոսկեն և Պեպ Գվարդիոլան, քանի որ նրանք ժամանակ ունեն, իսկ Իսպանիայի ազգային թիմի գլխավոր մարզիչը 3 ամիս հանգիստ ունի:
«Ես ոչինչ ոչ ոքի չեմ ցանկանում ապացուցել: Թշնամիներ վաստակելու ցանկություն չունեմ»,- իսպանացի լրագրողները մեջբերում են դել Բոսկեի խոսքերը:
