Անգլիայի Պրեմիեր Լիգայի 4-րդ տուրում այսօր տեղի էր ունենում եկ հանդիպում: «Մանչեսթեր Յունայթեդ»-ը սեփական հարկի տակ ընդունել էր ՔՊՌ-ին:
Հանդիպումն անցավ տանտերերի առավելությամբ: Խաղի 24-րդ րոպեին Անխել դի Մարիան իր առաջին գոլը խփեց «Մանչեսթեր»-ի կազմում ու բացեց հանդիպման հաշիվը: 36-րդ րոպեին իր գոլերի հաշիվը «Յունայթեդ»-ի կազմում բացեց նաև Անդեր Հերերան: Խաղի 44-րդ րոպեին էլ Ռունին եռապատկեց « Մանչեսթեր Յունայթեդ»-ի առավելությունը: Երկրորդ խաղակեսի 58-րդ րոպեին Խուան Մատան խփեց «կարմիր սատանաներ»-ի 4-րդ գնդակը և վերջակետ դրեց ՔՊՌ-ի ջախջախմանը:
Նշենք, որ այս հանդիպման ժամանակ «Յունայթեդ»-ի կազմում իրենց նորամուտը նշեցին Դեյլի Բլինդը, Ռադամել Ֆալկաոն և Մարկոս Ռոխոն:
«Մանչեսթեր Յունայթեդ» – ՔՊՌ` 4:0
1:0 Դի Մարիա (24´), 2:0 Հերերա (36´), 3:0 Ռունի (44´), 4:0 Խուան Մատա (58´)
