Այսօր աշխարհում սկսվել է Apple ընկերության iPad2 պլանշետային համակարգիչների վաճառքը: Վաճառքը կսկսվի տեղական ժամանակով17:00-ին միանգամից 20 երկրներում, այդ թվում` Կանադայում, Մեքսիկայում, Ավստրալիայում: Հետաձգվել է միայն Ճապոնիայում վաճառքը, քանի որ այնտեղ երկրաշարժից հետո չի հաջողվել վերականգնել վաճառքի ցանցերի աշխատանքը:
ԱՄՆ-ում վաճառքը սկսվել էր դեռևս մարտի 11-ին, սակայն գնային առումով աշխարհում պլանշետային համակարգիչները բավականին թանկ են եղել: Ամենաթույլ պարամետրերն ունեցող 16 ԳԲ հզորությամբ համակարգիչը ԱՄՆ-ում արժե 499 դոլար, սակայն Մեծ Բրիտանաիյում հաճախորդներին այն առաջարկվում է 646 դոլարով, Գերմանիայում` 680 դոլարով, Ավստրալիայում` 591 դոլարով:
Հիշեցնենք, որ նախկինի համեմատ iPad2-ն ավելի բարակ է ու թեթև, սակայն մարտկոցի աշխատանքի ժամանակն առանց վերալիցքավորման մնացել է նույնը: Պրոցեսորն ավելի հզոր է դարձել, այն գործում է երկմիջուկ նոր պրոցեսորով 1 գիգահերց հաճախականությամբ: Այն ունի երկու տեսախցիկ, ինչը թույլ է տալիս ինտերնետով կազմակերպել միաժամանակյա չաթ-զրույցներ: