Մեծ Բրիտանիայի 63-ամյա բնակչուհի Գլինիս Բարնետը, որը երկու տարի առաջ զրկվել էր սիրելի ամուսնուց՝ Ջոնից, երկար ժամանակ չէր կարողանում ուշքի գալ այդ ողբերգությունից: Բայց նա շուտով տարբերակ է գտնում այդ կորուստը հաղթահարելու համար: Նա որոշում է հանգուցյալ ամուսնուց ադամանդ ստեղծել, որպեսզի միշտ իր մոտ լինի՝ հաղորդում է Daily Mail-ը:
65 տարեկանում մահացած Ջոն Բարնեթը տառապում էր լյարդի և կոկորդի քաղցկեղից:
«Ես չգիտեի, թե ինչ անեմ: Ջոնի մասունքով տարան 1,5 տարի դրված էր իմ անկողնու մոտ: Վերջապես, ես որոշեցի վերջնականապես հրաժեշտ տալ ամուսնուս և նրա փոշին տարածել այգուն: Բայց ընկերուհիս ինձ ասաց, որ ամուսնուս հիշատակը հարգելու այլ տարբերակ կա»,- պատմել է Գլինիս Բարնետը:
Այրու խոսքով՝ նրա ծանոթը մի անգամ պատահաբար ասել է, որ եթե իր ամուսինը մահանա, ապա ինքը նրանից թանկարժեք քար կպատրաստի: Բրիտանուհին որոշել է, որ դա լավ միտք է: Նա կապ է հաստատել նման ծառայություններ մատուցող Phoenix Memorial Diamonds ընկերության հետ: Այրին պետք է ամուսնու մասունքները ուղարկեր Մանչեսթեր, ինչպես նաև 4,1 հզ. դոլարի կանխավճար թողներ:
3 ամիս անց կինը 0,75 կարատանոց դեղին ադամանդ է ստացել և վճարել ևս 4 հզ. դոլար: