ՌԴ Պետդումայի պատգամավորները դժգոհ են ռուսական «Ժամանակի մեքենա» խմբի ղեկավար Անդրեյ Մակարևիչից, որը, նրանց խոսքով, ակնհայտ հակառուսական քաղաքականություն է քարոզում: Մասնավորապես, ինչպես գրում է «Իզվեստիան», նրան մեղադրել են «Կիևի իշխանությունների կողմն անցնելու համար»:
Ինչպես հիշեցնում է պարբերականը, օգոստոսի 12-ին ռուսական ռոքի լեգենդը Ուկրաինայի կամավորների հիմնադրամի նախագահ Տիմոֆեյ Նագորնու հրավերով մեկնել էր հյուրախաղերի Դոնբաս ու հանդես եկել Սվյատոգորսկ քաղաքում:
«Եդինայա Ռոսիա» կուսակցությունից պատգամավոր Եվգենի Ֆյոդորովը (ավելի վաղ մշակել է հատուկ փոփոխություններ օրենսդրությունում, որի համաձայն՝ հակառուսական կոչերի համար կարող են զրկվել պետական մրցանակներից) պատմել է, որ Մակարևիչի հակառուսական գործողությունների հետևանքով առաջարկվել է նրան զրկել բոլոր կոչումներից ու «Հայրենիքի առաջ ծառայությունների համար» շքանշաններից:
«Անդրեյ Մակարևիչը վաղուց է համագործակցում ֆաշիստների հետ: Այդ ընտրությունը նա արել է բավական վաղուց, երբ դեռ անցել էր Ռուսաստանի Դաշնության թշնամիների կողմը»,- ասել է նա:
