1958 թվականի օգոստոսի 16-ին ծնվել է Մադոննան (ամբողջական անվանումը՝ Մադոննա Լուիզա Չիկոնե)՝ ԱՄՆ Միչիգան նահանգի Բեյ Սիթի քաղաքում: Դպրոցում բավականին աչքի ընկնելով՝ այն ավարտելուց հետո Մադոննան պարային կրթություն է ստացել Միչիգանի համալսարանում:
Իր երաժշտական կարիերան Մադոննան սկսել է 1979-ից՝ որպես թմբկահար Նյու Յորքի ռոք խմբերից մեկում: Երկու հաջողված սինգլների թողարկումից հետո Մադոննան թողարկել է իր առաջին՝ Like a Virgin ալբոմը:
Դառնալով հայտնի երգչուհի՝ 1992-ին նա իրեն դրսևորում է նաև որպես տաղանդավոր բիզնես-լեդի, երբ նրա ստեղծած Maverick հնչյունաձայնագրման ստուդիան պայմանագիր է ստորագրում Time Warner-ի հետ:
Իր երաժշտական կարիերայի ընթացքում Մադոննան իրեն փորձել է ամենատարբեր ժանրերում, արժանացել մի շարք մրցանակների և նկարահանվել ավելի քան 20 ֆիլմերում:
2004-ին Մադոննան իր ուժերն է փորձել նաև մանկական գրականության ոլորտում՝ գրելով «Անգլիական վարդեր» գիրքը:
