Ադրբեջանական Turan լրատվական գործակալության փոխանցմամբ՝ մամուլի ազատության հարցերով ԵԱՀԿ-ի հատուկ ներկայացուցիչ Դունյա Միյատովիչը, ելույթ ունենալով Դուբլինում ընթացող ԵԱՀԿ անդամ երկրների արտգործնախարարների հանդիպման ժամանակ, անդրադարձել է ԵԱՀԿ-ի տիրույթում մամուլի ազատության խնդրին.
«Ես շատ ուրախ եմ, որ ԵԱՀԿ-ում նախագահող Իռլանդիան օրակարգում է ընդգրկում մամուլի ազատության հետ կապված հարցերը: Երկու շաբաթ առաջ ես ելույթ ունեցա Վիեննայում՝ կապված լրագրողների իրավունքների շուրջ տիրող իրավիճակի հետ: Բազմաթիվ երկրներում օրինախախտումներ են գրանցվում տվյալ ոլորտում: Անհրաժեշտ է ապահովել ԵԱՀԿ-ի բոլոր երկրներում լրագրողների անվտանգությունը:
Ոչ վաղ անցյալում ես եղա Ադրբեջանում, ուր իմ առջև բաց էին բոլոր դռները: Ես հանդիպեցի թե՛ լրագրողների, թե՛ իրավապաշտպանների, թե՛ երկրի ղեկավարության հետ: Սակայն ամենալավը կլիներ այն, որազատ արձակվեին ձերբակալված բոլոր լրագրողները, բլոգերները և իրավապաշտպանները»:
