Այսօր ԱԺ-ում ՀԱԿ համակարգող Լևոն Զուրաբյանը հնչեցրեց որոշ օլիգարխների և մենաշնորհատերերի անուններ` մոռանալով, սակայն, այդ ցանկում ներառել ԲՀԿ-ական կարկառուն ներկայացուցիչներին: Ի հավելումն Լ. Զուրաբյանի ցանկի՝ նշենք մի քանի անուններ.
Գագիկ Ծառուկյան (Դոդի Գագո)՝ «Մուլտի Գրուպ» կոնցեռնի և բոլոր «մուլտի»-ների 100% սեփականատեր, բաժնետոմսեր` 32 խոշոր ընկերություններում, գազալցակայանների և մեղրի արտադրության մենաշնորհատեր և այլն, և այլն, ակտիվների չափը՝ ավելի քան 1 միլիարդ ԱՄՆ դոլար:
ԲՀԿ ցուցակում հաջորդ մեծապատիվը Արագած Ախոյանն է՝ շինարարություն, քարհանքեր, քարերի արտադրություն և այլն:
Գուրգեն Արսենյան՝ բենզինի ներկրում, մեդիաբիզնես, նախկինում ծխախոտի ներկրում և այլն:
Ռուբեն Գևորգյան (Ծաղիկ Ռուբո)՝ ծաղիկ, սաունա, անշարժ գույք, ավտոտեխսպասարկման կենտրոններ և այլն:
Մուրադ Գուլոյան (Ծառուկյանի առաջին խնամին)՝ Բելգիայում շոկոլադի արտադրություն, ոչ ոգելից խմիչքներ, սուպերմարկետների ցանց` Աբովյանում, օբյեկտներ, օճառների ու կոսմետիկ պարագաների ներկրում և այլն:
Գրիգոր Մարգարյան (Բելաջոյի Գրիշ)՝ ռեստորանային բիզնես, բիզնես կենտրոն և այլն:
Լյովա Խաչատրյան՝ տաքսի ծառայություն, եռաֆազ հաշվիչների արտադրություն, սրճարաններ և այլն:
Կարո Կարապետյան (Յուվեցի Կարո)՝ ոգելից խմիչքներ:
Վարդան Օսկանյան՝ անշարժ գույք:
ՀԱԿ-ից իշխանական նկրտումներով հայտնի գործարարներ են նաև եղբայրներ Խաչատուր և Սարիբեկ Սուքիասյանները:
Ինչևէ: Հայաստանում օլիգարխների և մենաշնորհատերերի ցուցակը ինչքան էլ երկար լինի, ամեն դեպքում դրա վերջում կարելի է բազմակետեր դնել…
