«Լույս» հիմնադրամն առաջին քայլերն է նախաձեռնել՝ լիվինգ զարդերի միջոցով Գյումրու մշակութային խորարմատ ավանդույթները վերափոխելու մերօրյա ժամանակակից տնտեսության ուղղությամբ: «Լույս»-ի կրթական ծրագրի տնօրեն Ժաքլին Կարաասլանյանը նշեց, որ Հայաստանը, այո, փոքր է, բայց մեծ պատմությունով, հարուստ և ստեղծագործ:
«Այսօրվա տնտեսության մեջ ամենակարևոր հարցն այն չէ՝ որքան մեծ է ձեր երկիրը, այլ՝ որքան ստեղծագործ»,- ասաց Ժաքլին Կարաասլանյանը:
«Լույս»-ի ուսանողները, նրա խոսքով, երբ գալիս են Հայաստան, մտածում են՝ ինչպես ռեալիզացնեն իրենց գիտելիքը հասարակության մեջ, այց դրա համար պետք է իրենք սերտորեն կապվեն ժողովրդի հետ և բացահայտեն այն հարստությունը, որ ունենք այստեղ:
Գյումրեցի մի շարք արվեստագետներ, ոսկերիչներ, ծրագրավորողներ, տեխնոլոգիայի մասնագետներ միավորվեցին՝ ստեղծելով լիվինգ զարդերի նախատիպեր:
Պատմաբան Ռուբեն Գալիչյանը նշեց, որ առաջին հերթին մարդն իրեն պետք է ճանաչի, որ կարողանա ուրիշներին ներկայանա որպես մեկը, ով ինքնավստահ է խոսում: «Առաջին հերթին մարդուն ճանաչելու համար պետք է ճանաչես երկիրդ, ժողովուրդ: Ես աշխատում եմ ցույց տալ երիտասարդներին՝ ինչպես կարող են իրենց ներկայացնել որպես մի երկրի ներկայացուցիչ, որ աշխարհում հսկայական դեր է ունեցել»,- ասաց պատմաբանը:
Ավելին՝ տեսանյութում:
