Լոնդոնի «Արսենալ»-ի գլխավոր մարզիչ Արսեն Վենգերը խոսել է թիմի վիճակի մասին «Օլիմպիակոս»-ի դեմ խաղից առաջ:
«Ես չէի ուզենա տեղերով փոխվել «Ման. Սիթի»-ի հետ: Մենք դեռ 23 խաղ ունենք, որ ուղղենք դրությունը Պրեմիեր Լիգայում: Չեմպիոնների լիգայում նման շանս չկա. կամ անցնում ես առաջ, կամ դուրս մնում պայքարից:
Լավ է, որ վերջին խաղից հետո մենք մի փոքր ժամանակ ունեինք Չեմպիոնների լիգայի խաղին պատրաստվելու համար: Երեք օրը լիովին բավական է: Պետք է ամեն հնարավոր բան անել, որ առաջ շարժվենք:
Մենք լավագույն թիմերից մեկն ենք Պրեմիեր Լիգայում: Անկասկած, հիմա մի փոքր զարմացած ենք մեր զբաղեցրած դիրքից: Խաղացողների վարպետությունը թույլ է տալիս պայքարել չեմպիոնության համար: Բայց դեռևս ինչ-որ բան այն չէ, ու պետք է շատ շտապ ուղղել դրությունը», – Վենգերի խոսքերն է մեջբերում Goal.com-ը:
