Թուրքական Zaman թերթում տպագրված Մահմութ Չեքիի նյութում անդրադարձ է կատարված Հայոց ցեղասպանության միջազգային ճանաչմանը, որը շաղկապվել է լիբիական պատերազմին.
«Թուրքիան շարունակ միջազգային հանրության կողմից մեղադրվում է իր մերձակայքում ընկած աշխարհագրական վայրերում տեղի ունեցած պատմական իրադարձությունների համար: Յուրաքանչյուր տարի օտարազգի քաղաքական գործիչները Թուրքիայի դեմ կիրառում են «Հայոց ցեղասպանության նախագիծը», սակայն չեն տեսնում իրենց գործած հանցանքները:
Մենք էլ նրանց խորհուրդ ենք տալիս. «Նախ ձեզ նայե՛ք»: Աֆղանստանում ու Իրաքում գրանցված իրադարձությունները ցանկանում եք կրկնել Լիբիայում: Նավթի համար մարդկանց արյուն եք թափում: Դրանով լիբիական վերքն առավել եք խորացնում և Լիբիան արյունաքամ է լինում: Անմեղ լիբիացիները պետք է հնարավորինս շուտ վերադառնան իրենց առօրյա նորմալ կյանքին»:
Հիշեցնենք, որ ոչ վաղ անցյալում էլ Թուրքիայի վարչապետ Էրդողանը, նկատի ունենալով իրանական միջուկային ծրագրի շուրջ Արևմուտքի դիրքորոշումը, հայտարարել էր, որ «միջուկային զինաթափման» գործընթացն առաջին հերթին պետք է սկսել միջուկային զենքին տիրապետող երկրներից: