ՆԱՏՕ-ն, հնարավոր է, Ռուսաստանի հետ Ուկրաինային էլ առաջարկի համագործակցություն հակահրթիռային պաշտպանության ոլորտում: Այս մասին հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը ռուսական Риа-Новости -ին տված հարցազրույցում: «Ես խոսում եմ Ռուսաստանի հետ համագործակցության մասին, բայց ես կարծում եմ, որ այս առաջարկությունը պետք է բաց լինի նաեւ մեր հյուսիսատլանտյան դաշնակիցների համար: Այսինքն` սա հրավեր է նաեւ Ուկրաինային, եթե Ուկրաինան նույնպես ցանկանա: Մենք չենք բացառում այդպիսի հնարավորությունը»,- ասել է Ռասմուսենը` պատասխանելով այն հարցին, թե հնարավո՞ր է ուկրաինական Մուկաչյովի ռադիոտեղորոշիչ կայանի օգտագործումը Ռուսաստանի եւ ՆԱՏՕ-ի միջեւ հակահրթիռային պաշտպանության ոլորտում համագործակցության համատեքստում: