Հինգշաբթի օրը ՄԱԿ-ի Գլխավոր ասամբլեան ճանաչել է Պաղեստինի` համաշխարհային կազմակերպությունում դիտորդ պետության կարգավիճակը: Համապատասախան բանաձևը հավանության է արժանացրել ՄԱԿ-ի 193 անդամ երկրներից 138-ը, դեմ հանդես է եկել 9-ը, ձեռնպահ` 41-ը, մնացածներն ընդհանրապես չեն քվեարկել,- հայտնում է RIANovosti-ն:
Փաստաթղթում նաև հույս են հայտնել, որ Անվտանգության խորհուրդը «դրականորեն կարձագանքի 2011-ի սեպտեմբերի 23-ին ՄԱԿ-ի լիիրավ անդամ դառնալու Պաղեստինի Հանրապետության ներկայացրած հայտարարությանը»:
Գլխավոր աասամբլեան նորից կողմ է պաղեստինցի ժողովրդի ինքնորոշման և 1967-ից օկուպացված պաղեստինյան տարածքում նրա անկախության իրավունքին,- ասված է փաստաթղթում:
Մինչ այս Պաղեստինը ՄԱԿ-ում ներկայացված էր որպես դիտորդ-սուբյեկտ: Նրա կարգավիճակի բարձրացումը պաղեստինցիների համար ճանապարհ կբացի դեպի Հաագայի միջազգային դատարան` Իսրայելի դեմ ռազմական հանցագործությունների մեղադրանքներ ներկայացնելու համար: Սակայն ինչպես հայտարարել են պաղեստինցի դիվանագետները` իրենք հույս ունեն, որ իրենց «հաղթանակը» կարագացնի երկու անկախ պետությունների ճանապարհով մերձավորարևելյան խնդրի լուծման վերաբերյալ Իսրայելի հետ բանակցությունները:
Սակայն Իսրայելում այդպես չեն համարում. իսրայելցի դիվանագտեները ՄԱԿ-ում բազմիցս հայտարել են, որ պաղեստինցիների միակողմանի գործողությունները հակառակ արդյունքը կունենան: ԱՄՆ-ն ևս պնդում է, որ պետականություն ձեռք բերելու համար պաղեստինցիները նախ պետք է համաձայնության հասնեն Իսրայելի հետ բանակցությունների ժամանակ: ԱՄՆ պետդեպարտամենտի պաշտոնական ներկայացուցիչ Վիկտորիա Նուլանդը երկուշաբթի օրը հայտարարել էր, որ Մերձավոր Արևելքում կարգավորումը հնարավոր է միայն Պաղեստինի և Իսրայելի ուղիղ բանակցությունների միջոցով:
ՄԱԿ-ի Գլխավոր ասամբլեայի ընդունած բանաձևն անարդյունավետ է համարել նաև ՄԱԿ-ում ԱՄՆ մշտական ներկայացուցիչ Սյուզան Ռայսը:
Պաղեստինի ճանաչմանը դեմ են քվեարկել Իսրայելը, ԱՄՆ-ը, Կանադան, Չեխիան, Պանման, Միկրոնեզիան, Նաուրուն, Պալաուն, Մարշալյան կղզիները:
«Հիմա շատ կարևոր է, որ այս իրադարձությունը դրվի կառուցողական հունի մեջ»,- հայտարարել է ՄԱԿ-ում ՌԴ-ի մշտական ներկայացուցիչ Վիտալի Չուրկինը: Նրա խոսքերով` Ռուսաստանը հավաստիացում է ստացել Պաղեստինից, որ նրանք «այս իրադարձությունը չեն օգատգործի Իսրայելին մեկուսացնելու փորձեր անելու համար և կփորձեն վերսկսել պաղեստինա-իսրայելական բանակցությունները»:
«Հույս ունենք, որ Իսրայեը սա կընդունի որպես միջազգային հանրության լուրջ ազդանշան, որը հոգնել է պաղեստինա-իսրայելական հակամարտության չկարգավորվելուց»,- ասել է Չուրկինը:
Նա ասել է, որ Ռուսաստանը կողմերին կմղի բանակցությունների և կփորձի ակտիվացնել մերձավորաևելյան կարգավորման միջնորդների «քառյակին» (Ռուսաստան, ԱՄՆ, ՄԱԿ և Եվրամիություն):
