Թուրք 17-ամյա աղջիկը՝ Ռումեիսա Գելգին, ում հասակը 2 մետր 13 սմ է կազմում, պաշտոնապես հայտարարվել է աշխարհի ամենաբարձրահասակ աղջիկը:
Ռումեիսա Գելգին Գինեսի ռեկորդների գրքի մրցանակ է ստացել:
Ռումեիսան միջնակարգ դպրոցի 11-րդ դասարանի աշակերտուհի է, ով ապրում է ծնողների, ավագ եղբայրների և քույրերի հետ, որոնց հասակը նորմալ է:
Ռումեիսիայի բարձր հասակը պայմանավորված է նրա հիվանդությամբ, որի անվանումն Ուիվերի սինդրոմ է: Այն հազվագյուտ գենետիկ հիվանդություն է, որն արագացնում է հասակի աճը: Աղջիկն անսովոր խոշոր ձեռքեր և ոտքեր ունի: Նրա ոտքի չափը 47-ն է:
Բարձր հասակն աղջկա մոտ շատ անհարմարություններ է առաջացնում, որոնք կապված են նաև նրա տեղաշարժման հետ: Քայլելու համար նա օգտագործում է հատուկ իր համար պատրաստված սայլակը: Կոշիկը նրա համար նույնպես անհատական է պատրաստվում:
«Դա հետաքրքիր է, և ես ինձ առանձահատուկ եմ զգում: Հասակը հնարավորություն է տալիս ինձ տեսնել, թե ինչ կա դրված ամենաբարձր պահարաններում, ոչ ոք չի կարող ինձ վերևից նայել»,- աղջկա խոսքերն է մեջբերում Mail Online-ը:
Ռումեիսի ռեկորդը կներկայացվի Գինեսի ռեկորդների գիրք 2015-ում, որը կթողարկվի սեպտեմբերին:
