Yahoo! ինտերնետ-կորպորացիայի 1 բաժնետոմսը, 2010-ի ապրիլից ի վեր առաջին անգամ գերազանցել է 19 դոլարը:
Ներդրողները դրական են վերաբերվել բաժնետոմսերի հետգնմանը (buyback) ու շարունակում են մեծ հույսեր կապել ընկերության նոր ղեկավար Մարիս Մայերի հետ` գրում է Associated Press-ը:
Մայերը Google-ից Yahoo! է եկել այս տարվա հուլիսին ու դարձել այս տարվա ընթացքում 5-րդ գործադիր տնօրենը: Նրանից հետո նկատվում է ընկերության շահույթի աստիճանական աճ:
Ֆինանսական տարվա երրորդ եռամսյակում կորպորացիայի շահույթը գերազանցել է վերլուծաբանների կանխատեսումները՝ կազմելով 3.2 մլրդ դոլար:
Ընկերությունը 4.3 մլրդ դոլար է ստացել չինական Alibaba Group-ում մասնաբաժնի վաճառքից: Մայերը խոստացել է 3.6 մլրդ դոլար ծախսել բաժնետոմսերի հետգնման վրա: Այս պահին ընկերությունը հետ է գնել 13 մլն բաժնետոմս՝ 212 մլն դոլար ընդհանուր արժողությամբ:
Այդ պահից Yahoo!-ի կապիտալիզացիան բարձրացել է 20%-ով: Երկուշաբթի` աճուրդի փակման ժամանակ, արժեթղթերը ռեկորդ են սահմանել՝ 1 բաժնետոմսի դիմաց հասնելով 19 դոլարի:
