«Եվրատեսիլի 2013» երաժշտական մրցույթի տոմսերը վաճառքում են: Ցանկացողները կարող են ձեռք բերել 9 շոուների, այդ թվում՝ կիսաեզրափակչի և եզրափակչից առաջ գլխավոր փորձերի տոմսերը:
Եզրափակչի տոմսերը վաճառվել են ռեկորդային ժամանակում՝ վաճառքի մեկնարկից հետո 22 րոպեի ընթացքում: Այս մասին հաղորդում է LifeNews-ը:
Ամենաէժան տոմսերի գինը չի գերազանցում 10 եվրոն:
Ավելի վաղ հաղորդվում էր, որ Լեհաստանն ու Պորտուգալիան չեն մասնակցի եվրոպական փոփ երաժշտության մրցույթին ֆինանսական պատճառներով: Այդ երկրները ստիպված են կոշտ բյուջետային տնտեսական քաղաքականություն իրականացնել և հարմար են գտել տնտեսել զվարճանքների վրա:
Մրցույթը կանցկացվի Շվեդիայի մեծությամբ երրորդ՝ Մալմե քաղաքում: Հեռարձակման պատասխանատվությունը ստանձնել է գլխավոր՝ Sveriges Television հեռուստաալիքը:
664 հազար բնակիչ ունեցող քաղաքը «Եվրատեսիլը» հյուրընկալել է նաև 1992 թվականին: Այս տարի հնարավորությունը վերադարձավ նրան՝ շնորհիվ անցած տարի Բաքվում իր մասնակցի՝ Լորինի հաղթանակի: Նա ներկայացնում էր Euphoria երգը:
