Սառը պատերազմի ժամանակ ԱՄՆ–ը որոշել էր Լուսնի վրա միջուկային պայթյուն իրականացնել, որպեսզի վախեցներ Խորհրդային Միությանը:
Ինչպես գրում է The Daily Mail-ը, NASA-ի գաղտնի ծրագիրը, որն ուներ «Լուսնի վրա հետազոտական թռիչքի հնարավորությունները» անմեղ անվանումը, նախատեսվում էր իրականացնել 1959 թվականին: Ըստ այս ծրագրի՝ հրթիռը, հասնելով Լուսնին, պետք է բախվեր նրա հետ, և տեղի ունենար պայթյուն:
Ծրագրի հեղինակներն ի սկզբանե ցանկացել են ջրածնային ռումբ օգտագործել, սակայն հետո հրաժարվել են այդ գաղափարից` ծանր քաշի պատճառով, որը հրթիռին թույլ չէր տա թռչել: ԱՄՆ-ը NASA-ի ծրագիրը պետք է իրականացներ ամերիկյան ռազմաօդային ուժերի կողմից առաջին միջցամաքային բալիստիկ հրթիռները ստանալուց հետո: Երբ Խորհրդային Միությունը թողարկել է իր առաջին արբանյակը, Վաշինգտոնն ավելի հաստատակամորեն է որոշել իրականացնել այդ ծրագիրը։
Սակայն շուտով, հասկանալով, որ մարդկության անվտանգությունը կարող է սպառնալիքի տակ հայտնվել, եթե ինչ-որ բան այնպես տեղի չունենա, Պենտագոնը հրաժարվել է այդ մտքից:
Զսպող հանգամանք է հանդիսացել նաև այն, որ գիտնականները անհանգստություն են հայտնել Լուսնի՝ ռադիոկատիվ նյութերով աղտոտվելու վերաբերյալ:
