ԱՄՆ Ֆլորիդա նահանգի Սենթ-Փիթեսբերգ քաղաքի բնակչուհուն ձերբակալել են այն բանի համար, որ նա լողացել է՝ մանատուս ծովային կաթնասունի վրա պառկած: Այդ կենդանին պահպանվում է տեղի օրենքով: Ինչպես հաղորդում է Reuters գործակալությունը՝ Անա Գլորիա Գարսիա Գուտիերեսը անձամբ է հանձնվել ոստիկանությանը այն բանից հետո, երբ իմացել է, որ իր դեմ հետախուզում է հայտարարվել:
Դեպքը տեղի է ունեցել 2012-ի սեպտեմբերին: Գուտիերեսը ջրում նկատել է կենդանուն, մոտեցել նրան և սկսել նրա հետ լողալ:
53-ամյա կնոջ արարքը ֆիքսվել է լուսանկարում: Ավելի ուշ լուսանկարները հայտնվել են ոստիկանների ձեռքում, նրանք էլ քաղաքի և հարակից շրջանների բնակիչներին խնդրել են օգնել՝ գտնելու կնոջը:
Շուտով Գուտիերեսն անձամբ է կապ հաստատել ոստիկանության հետ: Իրավապահ մարմինների հետ զրույցում նա ասել է, որ վերջերս է տեղափոխվել քաղաք, և չի իմացել տեղի օրենքի մասին: Կնոջ դեմ մեղադրանք է առաջադրվել մանատուսների պահպանության մասին օրենքի խախտման մեջ: Օրենքում ասվում է, որ կենդանու կյանքի միջամտության ցանկացած փորձ պատժվում է մինչև 500 դոլար տուգանքով և կես տարվա ազատազրկմամբ:
Կնոջը գրավի դիմաց ազատ են արձակել: Դեռևս հայտնի չէ, թե երբ տեղի կունենա գործով դատավարությունը:
