Առաջիկա հանգստյան օրերին եվրոպական առաջատար ֆուտբոլային առաջնություններում տեղի կունենան ընթացիկ մրցաշրջանի հերթական տուրերը:
Ուկրաինայի Պրեմիեր լիգայի ընթացիկ մրցաշրջանի 17-րդ տուրում Դոնեցկի «Շախտյոր»-ը, որը նախորդ տուրում պարտություն կրեց, և ընդհատվեց 15-խաղյա հաղթարշավը, սեփական հարկի տակ ուժերն է չափելու Զակարպատիեի «Գովերլա»-ի հետ: Հայաստանի ազգային հավաքականի կիսապաշտպան Հենրիկ Մխիթարյանը 16 գոլով իր թիմի և ամբողջ առաջնության լավագույն ռմբարկուն է և երկրորդ տեղում գտնվող Կիևի «Դինամո»-ի հարձակվող Բրաուն Իդեյեին գերազանցում է 6 գոլով:
Դոնեցկյան մյուս ակումբը՝ «Մետալուրգ»-ը, որի կազմում հանդես են գալիս Հայաստանի ազգային հավաքականի ֆուտբոլիստներ Արտակ Եդիգարյանը, Կառլեն Մկրտչյանն ու Գևորգ Ղազարյանը, մրցակցի հարկի տակ խաղալու է «Զարյա»-ի դեմ: Հանդիպումները կկայանան նոյեմբերի 24-ին:
