Կոնգոյի Դեմոկրատական Հանրապետության բանակի գլխավոր հրամանատար Գաբրիել Ամիսին կոռուպցիայի կասկածանքով ազատվել է պաշտոնից: Կառավարությունում հայտարարել են, որ Ամիսիի և նրա ենթակաների դեմ հետաքննություն է սկսվել,-հայտնում է BBC-ի ռուսական ծառայությունը:
Չորեքշաբթի ՄԱԿ-ը հանդես է եկել զեկույցով, որում Ամիսիին մեղադրել է որսագողերին և ընդդիմադիրներին զենք վաճառող ցանց ստեղծելու մեջ:
Միջազգային հետաքննության տվյալներով` զենքը հասել է «Մարտի 23-ի շարժման» ընդդիմադիրներին: Անվտանգության խորհրդի բանաձևում ՄԱԿ-ը պահանջում է ցրել այդ կազմակերպությունը, որը, ինչպես ենթադրում են, աջակցություն է ստանում հարևան Ռուանդայից:
Կոնգոյում մի քանի շաբաթ է` դաժան մարտեր են ընթանում: Չորեքշաբթի օրը ընդդիմադիրներին հաջողվել է գրավել Գոմա քաղաքը:
«Մարտի 23-ի շարժման» ընդդիմադիրները վստահեցնում են, որ կհասնեն երկրի մայրաքաղաք Կինշասային, եթե նախագահ Շոզեֆ Կաբիլան խաղաղ բանակցությունների չգնա:
