Թերևս մեզնից յուրաքանչյուրի հետ էլ պատահել է, որ սիրելի խաղը խաղալու ժամանակ մոռանում ես քնելու, ուտելու և եռացող թեյնիկի մասին: Սակայն քչերն են, որ կարող են նստել ու խաղալ 135 ժամ անընդմեջ, իսչպես դա արել է Օկա Կայան՝ ավստրալիացի վաճառքի մենեջերը: Նա համաշխարհային ռեկորդ է սահմանել` խաղալով Call of Duty: Black Ops 2 խաղը:
Կայան սկսել է խաղալ նոյեմբերի 13-ին և խաղն ավարտել է միայն նոյեմբերի 19-ին` գերազանցելով նախորդ երկու ռեկորդակիրներին, ովքեր գրանցել էին 120 ժամ:
Գինեսի ռեկորդների հանձնաժողովի կանոնների համաձայն՝ տիտղոսի թեկնածուներին տրամադրվում է 10 րոպե ժամանակ յուրաքանչյուր մեկ ժամվա ընթացքում սնուդ ընդունելու և հանգստանալու համար:
Չնայած Կայան անհավատալի ծանրաբեռնվածություն է ունեցել, այժմ ռեկորդակրի վիճակը գնահատվում է կայուն և մի քանի օրվա հանգստից հետո, նա կկարողանա վերադառնալ նորմալ կենսակերպի:
