Թուրքական Hürriyet թերթում հրապարակված հոդվածում լրագրող Մեհմեթ Յըլմազը չի բացառել, որ ազգային հետախուզական կազմակերպության (MIT) ղեկավար Հաքան Ֆիդանը կարող է դառնալ վարչապետի թեկնածու.
«Ես ընդհանրապես չեմ զարմանա, եթե հետագայում նա դառնա վարչապետի թեկնածու: Ֆիդանի գործը չի սահմանափակվում միայն անվտանգությամբ ու հետախուզությամբ, նա զբաղվում է նաև արտաքին քաղքականությամբ, ղեկավարում է PKK-ի հետ հանդիպումները: Սիրիացի ապստամբների հետ նախարարների հանդիպմանը կարող է չմասնակցել արտգործնախարարը, սակայն MIT-ի ղեկավարը հանդիպում է նրանց հետ:
Իսրայել-ՀԱՄԱՍ զինադադարի խնդրով Եգիպտոս այցելած վարչապետի կողքին MIT-ի ղեկավարն է: Ազգային անվտանգության խորհրդի նիստից հետո վարչապետն առանձին հանդիպում է արտգործնախարարի հետ՝ MIT-ի ղեկավարը ևս նրա կողքին է: ՀԱՄԱՍ-ի առաջնորդ Խալեդ Մաշաալն ընթրում է վարչապետի հետ՝ MIT-ի ղեկավարը նստած է սեղանի մոտ՝ Դավութօղլուի կողքին»:
Հիշեցնենք, որ Հաքան Ֆիդանը MIT-ի փոխտնօրեն աշխատած ժամանակ եղել է նաև արտաքին քաղաքականության գծով Էրդողանի խորհրդականը և համարվում է Էրդողանի վստահելի մարդկանցից մեկը:
