Շվեյցարական Բազել քաղաքում դարձյալ ծաղկել է Երկրագնդի ամենամեծ ու ամենահետաքրքիր ծաղիկներից մեկը՝ Ամորֆաֆալլուս հսկայականը (Amorphophallus Titanum) կամ «դիակի ծաղիկը»:
Առաջին անգամ այս ծաղիկը ծաղկել է Շվեյցարիայում 2011թ. ապրիլին: Տրոպիկական ծաղկի կրկնակի ծաղկումը 20 ամիս անց դարձել է իսկական անակնկալ շվեյցարացի գիտնականների համար: Ոչ ոք չէր սպասում, որ դա այդքան արագ տեղի կունենա: Ամբողջ աշխարհում գրանցվել է այս բույսի ծաղկման ընդամենը 134 դեպք:
Հազարավոր զբոսաշրջիկներ են հավաքվել` դիտելու այդ զարմանալի ծաղիկը: Ծաղկասերներին չի կանգնեցնում անգամ այն սարսափելի բույրը, որ արձակում է ծաղիկը: Այս մասին հայտնում է «Գոլոս Ռոսիի» ռադիոկայանը:
Ականատեսների վկայությամբ՝ «դիակի ծաղկի» բույրը նման է վառված շաքարի, նեխած ձկան ու փտող մսի բույրի:
